پاکستان ریلوے نے مال گاڑیوں کی بین الاقوامی معیار کی ویگنیں مقامی طور پر تیار کر لی ہیں، سی ای او ریلوے نے لاہور کینٹ ریلوے اسٹیشن پر ان ویگنوں کا افتتاح کر دیا۔
چینی ٹیکنالوجی سے بننے والی 40 ہائی کپیسٹی ویگنیں ریلوے فلیٹ میں شامل کر دی گئیں، جدید ڈیزائن کی حامل یہ ویگنیں کنٹینروں کو بھی ایک جگہ سے دوسری جگہ منتقل کر سکیں گی۔
ان میں 70 ٹن لوڈ لے جانے کی صلاحیت موجود ہے، سی ای او ریلوے عامر بلوچ کا کہنا تھا کہ ان ویگنوں کے بعد اب مال گاڑی بھی 100 کلو میٹر فی گھنٹہ کی رفتار سے چل سکے گی۔
مالی سال 26-2025 کے اختتام پر 820 کوچز ریلوے سسٹم میں شامل ہو جائیں گی۔ سی ای او کے مطابق مقامی طور پر ویگنوں کی تیاری سے فارن ایکسچینج ریزرو کی بچت ہوگی اور ہر سال آمدن میں 9 ارب روپے سے زائد کا اضافہ ہو گا۔
