باجوڑ میں سکیورٹی فورسز کی کارروائی میں ایک خارجی دہشتگرد ہلاک جبکہ متعدد زخمی حالت میں فرار ہو گئے۔
سکیورٹی ذرائع کے مطابق سکیورٹی فورسز نے خفیہ اطلاعات پر شاہی تنگی کے جنگل میں موجود ایک غار پر گھات لگا کر بھرپور کارروائی کی جہاں خوارجیوں اور فورسز کے درمیان شدید فائرنگ کا تبادلہ بھی ہوا جس کے نتیجے میں ایک خوارجی ہلاک اور دیگر فرار ہو گئے۔
ذرائع نے بتایا کہ شاہی تنگی جنگل میں خارجیوں کے ٹھکانوں اور سرنگوں کا صفایا کر دیا گیا،خارجیوں کے زیر استعمال اسلحہ اور مواصلاتی آلات بھی برآمد کر لیے گئے۔
ذرائع کے مطابق باجوڑ کے علاقے میں موجود سرنگوں اور قریبی مقامات کو بھی کلیئر کر دیا گیا ہے، پاک فوج اور سکیورٹی ادارے ملک سے دہشتگردی کے ناسور کو ختم کرنے کیلئے پرعزم ہیں۔
