چین میں ایک 17 سالہ نوجوان لڑکے نے صرف آئی فون اور آئی پیڈ خریدنے کی خاطر گردہ بیچ دیا، جس کے باعث وہ سنگین مسائل کا شکار ہو گیا۔
چینی میڈیا کے مطابق وانگ شانگ کن نامی نوجوان نے 2011 میں اپنا ایک گردہ کالے بازار میں فروخت کر دیا تاکہ وہ جدید ایپل ڈیوائسز خرید سکے، یہ غیر قانونی سرجری ایک غیر معیاری کلینک میں کی گئی تھی، جہاں صفائی اور علاج کی سہولیات نہ ہونے کے برابر تھیں۔
رپورٹ کے مطابق آپریشن کے بعد مناسب دیکھ بھال نہ ہونے کے باعث انفیکشن ہو گیا اور چند ہی مہینوں میں اس کا دوسرا گردہ بھی ناکام ہو گیا اور14 سال بعد 31 سالہ وانگ شانگ کن آج بھی ڈائیلیسس پر زندہ ہے اور زندگی بھر کے لیے معذور ہو چکا ہے۔
ڈاکٹروں کے مطابق وہ مشینوں کے سہارے زندہ ہے جو اب اس کے گردوں کا کام انجام دیتی ہیں۔
