ایپل نے اپنے لانچ ایونٹ میں نئی آئی فون 17 سیریز کے ساتھ اسمارٹ واچز اور ایئر پوڈز سمیت جدید ڈیوائسز بھی متعارف کرا دی ہیں.
ایونٹ پاکستانی وقت کے مطابق رات 10 بجے شروع ہوا، جسے ایپل کی آفیشل ویب سائٹ پر براہ راست نشر کیا گیا، ایپل نے اس موقع پر چار نئے آئی فون ماڈلز پیش کئے، جن میں آئی فون 17، آئی فون 17 ایئر، آئی فون 17 پرو اور آئی فون 17 پرو میکس شامل ہیں۔
اس کے ساتھ کمپنی نے اپنی اسمارٹ واچ لائن اپ میں بڑے اپڈیٹس دئے، جن میں واچ سیریز 11، واچ الٹرا 3 اور نیا واچ SE شامل ہیں، یہ گھڑیاں صحت، فٹنس اور ٹیکنالوجی کے امتزاج کو ایک نئے معیار پر لے جانے کے لیے تیار کی گئی ہیں۔
ایپل نے آڈیو ڈیوائسز کے شوقین صارفین کے لیے اپنے لائن اپ میں ایئر پوڈز پرو 3 بھی شامل کر دئے ہیں، جو مزید بہتر آواز اور پرفارمنس فراہم کریں گے۔
ماہرین کے مطابق ایپل کے اس ایونٹ کو ٹیک دنیا کا سب سے بڑا ایونٹ کہا جا رہا ہے اور یہ پروڈکٹس اگلے سال کی مارکیٹ ٹرینڈز پر گہرا اثر ڈالیں گی۔
