کراچی کے علاقے لیاری بغدادی میں عمارت گرنے کے واقعے کی تحقیقات کیلئے 5 رکنی کمیٹی تشکیل دیدی گئی۔
چیف سیکرٹری سندھ نے تحقیقاتی کمیٹی کا نوٹیفکیشن جاری کر دیا ، کمشنرکراچی حسن نقوی تحقیقاتی کمیٹی کے چیئرمین ہونگے جبکہ اسپیشل سیکرٹری لوکل گورنمنٹ عائشہ حمید ، ڈائریکٹر کمپلینٹ ڈینجرس بلڈنگزکمیٹی ایس بی سی اےآصف ندیم احمد کمیٹی کا حصہ ہوں گے۔
اس کے علاوہ ڈپٹی ڈائریکٹر سندھ بلڈنگ کنٹرول اتھارٹی آصف علی لانگا بھی کمیٹی میں شامل ہیں۔ کمیٹی عمارت کے گرنے کی وجوہات اور ذمہ داروں سے متعلق اور مستقبل میں ایسے واقعات کی روک تھام کیلئے سفارشات پیش کرے گی۔
