محکمہ موسمیات نے اسلام آباد راولپنڈی سمیت ملک کے مختلف علاقوں میں گرج چمک کے ساتھ مزید بارش کی پیشگوئی کر دی۔
محکمہ موسمیات نے کہا ہے کہ اسلام آباد اور گرد و نواح میں گرج چمک کے ساتھ بارش کا امکان ہے۔ مری، گلیات، مری، گلیات، راولپنڈی، اٹک اور چکوال میں بارش ہونے کی توقع ہے۔
جہلم، منڈی بہاؤالدین، گجرات، گوجرانوالہ، حافظ آباد، سیالکوٹ، نارووال، لاہور، ساہیوال، قصور، اوکاڑہ، فیصل آباد، ٹوبہ ٹیک سنگھ، جھنگ، خوشاب، سرگودھا، میانوالی اور ڈیرہ غازی خان میں گرج چمک کے ساتھ بارش کی پیشگوئی کی گئی ہے۔
پی ڈی ایم اے نے الرٹ جاری کرتے ہوئے کہا ہے کہ پنجاب میں گرج چمک کے ساتھ طوفانی بارشوں کا امکان ہے۔
ترجمان پی ڈی ایم اے کا کہنا ہے کہ پنجاب میں بارشوں کا سلسلہ 4 مئی تک جاری رہے گا، بارش کے ساتھ آسمانی بجلی گرنے کے بھی امکانات ہیں،ترجمان کے مطابق آئندہ 3 روز میں آسمانی بجلی کے گرنے کے خدشات ہیں۔
