امریکا اور ایران کے درمیان ہفتے کو ہونے والے جوہری مذاکرات ملتوی ہونے کا امکان ہے۔
خبر ایجنسی کے مطابق ایران نے امریکا کے اشتعال انگیز بیان اور سفارتکاری میں غیر سنجیدگی کا مظاہرہ کرنے کا دعویٰ کیا ہے۔
امریکی وزیر دفاع نے ایران کو حوثیوں کی حمایت پر سنگین نتائج کی دھمکی دی تھی،گزشتہ روز ہی امریکا نے ایرانی تیل اور پیٹروکیمکلز کی تجارت کرنے والی کمپنیوں پر پابندی عائد کی تھی۔
ایرانی حکام کا کہنا ہے کہ امریکا کی ایران پر عائد نئی پابندیاں جوہری تنازع کے سفارتی حل میں مددگار نہیں،ایران اور امریکا کے درمیان مذاکرات کب ہوں گے، یہ امریکا کے رویے پر منحصر ہے۔
