مجموعی قومی برآمدات میں جاری مالی سال کے دوران 7.67 فیصد اضافہ ہو گیا ہے۔
ادارہ شماریات کے اعدادوشمار میں کہا گیا ہے کہ رواں مالی سال کے پہلے 9 ماہ جولائی تا مارچ میں برآمدات کے حجم میں 24.69 ارب ڈالر تک کا اضافہ ہو گیا ہے۔
سرکاری خبر رساں ادارے کے مطابق گزشتہ مالی سال کے اسی عرصہ کے دوران برآمدات سے 22.93 ارب ڈالر زرمبادلہ حاصل کیا گیا تھا۔
ادارہ شماریات کی رپورٹ کے مطابق گزشتہ مالی سال کے مقابلہ میں جاری مالی سال کے ابتدائی نو ماہ کے دوران مجموعی قومی برآمدات میں 1.76 ارب ڈالر یعنی 7.67 فیصد کی بڑھوتری ریکارڈ کی گئی ہے۔
