تحریک انصاف کے رہنما اور قومی اسمبلی میں اپوزیشن لیڈر عمر ایوب نے کہا ہے کہ حکومت میں آ کر 26 ویں آئینی ترمیم کو ختم کریں گے۔
پشاور ہائیکورٹ کے باہر میڈیا سے بات چیت کرتے ہوئے عمر ایوب کا کہنا تھا کہ تحریک انصاف کا حکومت کے ساتھ کوئی رابطہ نہیں ہے، تمام سیاسی قیدیوں کی رہائی کی کوشش کر رہے ہیں۔
انہوں نے کہا کہ آئی ایم ایف کے وفد نے بھی عدلیہ سے بات کی ہے، رولز آف لاء پاکستان میں نہیں ہے، لوگ زمینیں فروخت کر کے ملک چھوڑ رہے ہیں۔
ان کا مزید کہنا تھا کہ کل اسمبلی میں ووٹ کاسٹ کے عمل کو روکا گیا ، تمام اپوزیشن جماعتیں متحد ہو گئی ہیں، رمضان کے بعد حکومت کیخلاف بھرپور مہم چلائیں گے۔
