مستونگ میں گرلز ہائی اسکول سول اسپتال چوک پر بم دھماکے کے نتیجے میں 7 افراد جاں بحق اور 15 افراد زخمی ہو گئے ۔
دھماکے میں پولیس کی گاڑی تباہ ہو گئی جبکہ چوک پر موجود دیگر گاڑیوں اور رکشوں کو بھی نقصال پہنچا ، دھماکے کی آواز قریبی علاقوں میں بھی سنی گئی، اطلاع ملتے ہی پولیس اور ریسکیو کا عملہ جائے وقوعہ پر پہنچ گیا۔
پولیس کا کہنا ہے کہ دھماکے میں پولیس موبائل کو نشانہ بنایا گیا تاہم اسکول کی وین بھی زد میں آ گئی جس کے نتیجے میں اسکول کے 5 بچے ، ایک پولیس اہلکار اور ایک شہری جاں بحق ہو گیا۔ زخمیوں کو ڈی ایچ کیو اسپتال منتقل کر دیا گیا۔
