بالی ووڈ اداکارہ سوناکشی سنہا نے انکشاف کیا ہے کہ سلمان خان کے مزاج میں بھرپور تضاد ہے۔
ایک انٹرویو میں سوناکشی کا کہنا تھا کہ سلمان خان کے مزاج میں بھرپور تضاد ہے اس کی وجہ یہ ہے کہ جہاں وہ آزاد منش یعنی لاپرواہ ہیں وہیں کام کے معاملے میں نہایت ہی پرعزم اور پابند ہیں جو کہ بڑی عجیب سی بات ہے۔
بھارتی اداکارہ کا مزید کہنا تھا کہ پتہ نہیں اس کی وضاحت کیسے کروں، کیونکہ جیسا میں نے انہیں دیکھا ہے اس سے یہ ظاہر ہوتا ہے کہ انہیں ا س کی کوئی پرواہ نہیں کہ اس کا کیا ہوگا۔
