امریکا میں دو ہزار افغان شہریوں کا دہشت گرد تنظیموں سے رابطوں کا انکشاف ہوا ہے۔
نیشنل انٹیلی جنس کی ڈائریکٹر تلسی گبارڈ نے امریکی میڈیا سے بات کرتے ہوئے بائیڈن انتظامیہ کے دور میں امریکا آنے والے افغان شہریوں کی جانچ کے سست عمل کو تنقید کا نشانہ بنایا۔
ان کا کہنا تھا کہ آپریشن الائیز ویلکم کے تحت 18 ہزار افغان شہری امریکا آئے، تلسی گبارڈ نے کہا کہ اس وقت آنے والے افغان شہریوں کی ٹھیک طرح سے جانچ نہیں کی گئی۔
انہوں نے کہا کہ آپریشن الائیز ویلکم کے تحت آنے والے تمام شہریوں کا قریب سے جائزہ لے رہے ہیں اور اس حوالے سے تمام ادارے متحرک ہیں۔
انہوں نے انکشاف کرتے ہوئے کہا کہ امریکا میں موجود 18 ہزار میں سے 2 ہزار افغان شہریوں کے دہشت گرد تنظیموں سے براہ راست یا ممکنہ طور پر رابطے ہیں۔
