بھارتی کرکٹ ٹیم کے سابق کرکٹرز محمد کیف اور سری سانتھ نے پاکستان کے ٹی 20 ورلڈ کپ 2024 کے سیمی فائنل تک پہنچنے کی پیش گوئی کر دی۔
بھارتی میڈیا کی رپورٹس کے مطابق محمد کیف کا کہنا تھا کہ ٹی 20 ورلڈ کپ کے سیمی فائنل میں آسٹریلیا، بھارت، جنوبی افریقا اور پاکستان کی ٹیمیں پہنچیں گی، جب کہ سری سانتھ نے آسٹریلیا، بھارت، انگلینڈ اور پاکستان کی ٹیموں کی سیمی فائنل کھیلنے کی پیش گوئی کی ہے۔
دوسری جانب سنیل گواسکر نے ٹی ٹوئنٹی ورلڈکپ کی چار سیمی فائنلسٹ ٹیموں میں پاکستان کا نام نہیں لیا، سابق کپتان کے مطابق سیمی فائنل میں بھارت، آسٹریلیا، انگلینڈ اور ویسٹ انڈیز پہنچے گی۔
واضح رہے کہ آئی سی سی ٹی ٹوئنٹی ورلڈکپ کا آغاز 2 جون بروز اتوار سے ہوگا جہاں گروپ اسٹیج میں دو مقابلے ہوں گے، پہلا امریکا اور کینڈا کے درمیان جب کہ دوسرا میچ ویسٹ انڈیز اور پاپوا نیو گینی کے درمیان ہوگا۔
