میر مرتضیٰ بھٹو کے بیٹے ذوالفقار بھٹو جونیئر کی سیاست میں آنے کی تیاریاں، تصدیق کر دی۔
بھٹو جونیئر نے اپنے بیان میں کہا کہ یہ درست ہے میں سیاست میں آنے کا ارادہ رکھتا ہوں اور اس کا آغاز میں پاکستان پیپلز پارٹی کے شہید بھٹو گروپ سے کروں گا، جس کی بنیاد میرے بابا نے رکھی تھی۔
ان کا کہنا تھا کہ مجھے اپنے ملک سے اور لوگوں سے بہت کچھ سیکھنا ہے کیونکہ مجھے نہیں لگتا کہ میں سب کچھ جانتا ہوں، ذوالفقار بھٹو جونیئر نے کہا کہ میں اس کے لیے تیاریاں کر رہا ہوں۔
نجی ٹی وی کے مطابق سندھ میں متنازع نہروں کے معاملے پر بات کرتے ہوئے انہوں نے کہا کہ سندھ میں پانی نہیں ہوگا تو انسان اور جنگلی آبی حیات زندہ نہیں رہ سکیں گی۔
