وفاقی وزیر صحت مصطفیٰ کمال کا خیبرپختونخوا کے مشیر صحت احتشام علی سے ٹیلیفونک رابطہ، دونوں رہنماؤں کا صحت کے شعبے میں تعاون کو فروغ دینے اور مشترکہ اقدامات اٹھانے پر اتفاق ہوا۔
دونوں رہنماؤں کا منصوبوں اور پالیسیوں پرجلد عملی اقدامات اٹھانے پربھی اتفاق کیا، وفاقی وزیر صحت کا کہنا تھا کہ وفاق اور صوبوں کے درمیان صحت کے شعبے میں ہم آہنگی کو مزید مضبوط بنایا جائے گا۔
وفاقی وزیر مصطفی کمال نے کہا کہ خیبر پختونخوا کے عوام کو بہترین طبی سہولیات کی فراہمی کیلئے مؤثر اقدامات کیے جائیں گے۔
انہوں نے کہا کہ قومی سطح پر صحت کے نظام کو مضبوط بنانے کیلئےباہمی تعاون اور رابطے کو مزید مستحکم کیا جائے گا، صوبائی وزراء کے ساتھ بھی میرا ٹیلی فونک رابطہ ہوا ہے۔
صوبائی مشیر صحت احتشام علی نے کہا کہ وفاق اور صوبوں کی مربوط کوآرڈی نیشن سے صحت کے شعبے میں نمایاں بہتری آئے گی۔
