واٹس ایپ ویب ایک اہم اپ ڈیٹ کی تیاری کر رہا ہے، جس کے تحت صارفین گروپ وائس اور ویڈیو کالنگ کی سہولت براہِ راست ویب براؤزر سے حاصل کر سکیں گے۔
تفصیلات کے مطابق، یہ اقدام واٹس ایپ ویب کو موبائل ورژنز کے فیچرز کے قریب لانے کی کوشش ہے۔ گزشتہ کئی سالوں میں واٹس ایپ ویب کالنگ کے حوالے سے اینڈرائیڈ، آئی او ایس اور ڈیسک ٹاپ ایپس سے پیچھے رہا ہے۔
واٹس ایپ ویب پر اب تک صارفین کو گروپ کالز دستیاب نہیں تھیں، جس کی وجہ سے اکثر انہیں کال کے لیے دیگر ڈیوائسز یا ڈیسک ٹاپ سافٹ ویئر پر انحصار کرنا پڑتا تھا۔ یہ نیا فیچر ویب صارفین کے لیے زیادہ سہولت اور مکمل فعالیت فراہم کرے گا، خاص طور پر ان افراد کے لیے جو شیئرڈ یا عارضی کمپیوٹرز سے واٹس ایپ استعمال کرتے ہیں۔
بیٹا ورژنز سے ظاہر ہوتا ہے کہ واٹس ایپ ویب میں گروپ وائس اور ویڈیو کالز کو براہِ راست گروپ چیٹس میں شامل کرنے پر کام جاری ہے۔ جب یہ فیچر لانچ ہوگا، صارفین موبائل، ڈیسک ٹاپ یا ویب براؤزر پر موجود دیگر شرکاء کے ساتھ کالز شروع اور جوائن کر سکیں گے۔
