گورنر خیبرپختونخوا فیصل کریم کنڈی نے کہا ہے کہ ریاست کے خلاف ہتھیار اٹھانے والوں سے مذاکرات کی بات نہیں ہو سکتی۔
گورنر نے کہا کہ صوبائی حکومت کے ہاتھ میں ہے کہ وہ گورنر راج لگوانا چاہتی ہے یا نہیں، صوبائی حکومت امن و امان کے معاملے پر ساتھ دے تو گورنر راج کی بات نہیں ہو گی۔
فیصل کریم کنڈی نے کہا کہ خیبرپختونخوا حکومت قیام امن کیلئے ریاست اور وفاق کوتعاون فراہم کرے، ان کا کہنا تھا کہ ریاست کے خلاف ہتھیار اٹھانے والوں سے مذاکرات کی بات نہیں ہو سکتی۔
گورنر خیبرپختونخوا نے کہا کہ تیل، گیس اور پانی سمیت دیگر مسائل وفاق کے ساتھ حل کرنے چاہئیں، اگر وفاق کے ساتھ صوبائی حکومت بیٹھے گی نہیں تو یہ مسائل کیسے حل ہوں گے۔
