پاکستان اسٹاک ایکسچینج میں تیزی کا رجحان برقرار ، انڈیکس نے ایک مرتبہ پھر 73 ہزار کی حد عبور کر لی ، دوسری جانب ڈالر بھی سستا ہو گیا ہے۔
کاروباری ہفتے کے دوسرے روز اسٹاک ایکسچینج کے 100 انڈیکس میں 262 پوائنٹس کا اضافہ ریکارڈ کیا گیا جس کے بعد انڈیکس 73 ہزار 26 پوائنٹس پر پہنچ گیا۔
گزشتہ روز کاروبار کے اختتام پر انڈیکس 72 ہزار 764 کی سطح پر بند ہوا تھا۔
دوسری جانب کاروبار کے آغاز پر ڈالر کی قیمت میں معمولی کمی ریکارڈ کی گئی ، انٹر بینک میں ڈالر 4 پیسے سستا ہونے کے بعد 278 روپے 20 پیسے کا ہو گیا۔
