وزیراعلیٰ مریم نواز نے پنجاب بھر میں آٹا سستا ہونے پر روٹی کی قیمت میں کمی لانے کی ہدایت کر دی۔
وزیر اعلیٰ نے پرائس کنٹرول ڈیپارٹمنٹ کو روٹی کی قیمت کم کرنے کیلئے فوری اقدامات کا حکم دینے کے علاوہ مرغی، سبزیوں اور دالوں کے نرخ کی بھی کڑی مانیٹرنگ کی ہدایت کی۔
مریم نواز نے کہا کہ غریب کا بچہ ہفتے میں ایک دن سستا چکن کھا لیتا تھا، چکن مہنگا ہوا تو غریب ہفتے میں ایک دن بھی نہیں کھا سکے گا، مجھے یہ ہرگز برداشت نہیں، روٹی کے نرخ تاریخ کی کم ترین سطح پر لائیں گے۔
وزیراعلیٰ پنجاب کا کہنا تھا کہ آٹے کے نرخ میں کمی کا فائدہ براہ راست غریب عوام کو پہنچنا چاہیے، آٹا سستا ہونے کے تناسب سے روٹی کا نیا ریٹ مقرر کیا جائے گا۔
