کالعدم ٹی ٹی پی کا اہم سرغنہ عبدالمنان عرف حکیم اللہ افغانستان کے صوبے کنڑ میں ہلاک ہو گیا۔
ذرائع کے مطابق کالعدم ٹی ٹی پی شوریٰ ملاکنڈ کے رکن کو ضلع اسد آباد میں نامعلوم افراد نے گولیاں ماریں۔
ذرائع کے مطابق ہلاک دہشتگرد عبدالمنان باجوڑ میں ٹارگٹ کلنگ، بارودی سرنگ کے دھماکوں ، چیک پوسٹوں پر فائرنگ اور بھتہ خوری سمیت دیگر سرگرمیوں میں ملوث تھا۔
ذرائع کا کہنا ہے کہ دہشتگرد عبدالمنان ٹی ٹی پی لیڈر عظمت اللہ محسود کا دست راست تھا، عبدالمنان باجوڑ میں دہشتگرد کارروائیوں کی منصوبہ بندی میں کلیدی کردار ادا کرتا تھا۔ عبدالمنان نے 2007 میں ٹی ٹی پی میں شمولیت اختیار کی تھی۔
