ضلع کرم کے علاقے وسطی کرم میں ہونے والے بارودی مواد کے دھماکے میں ہلاکتوں کی تعداد بڑھ کر 6 ہو گئی۔
اسپتال ذرائع کا کہنا ہے کہ دھماکے میں زخمیوں میں سے ایک اور زخمی جان کی بازی ہار گیا ہے۔
یاد رہے کہ دو دن قبل سینٹرل کرم میں سڑک کنارے بارودی مواد کا دھماکا ہوا تھا جس کے نتیجے میں سڑک پر موجود ایک کار تباہ ہو گئی تھی۔
ریسکیو ذرائع کے مطابق دھماکے کے نتیجے میں کار میں سوار 2 افراد موقع پر جاں بحق ہو گئے تھے جبکہ 5 زخمی ہوئے تھے جن میں سے 4 کی حالت کافی تشویشناک تھی۔
