حکومت نے پیٹرولیم مصنوعات کی نئی قیمتوں کا اعلان کر دیا۔
وزارتِ پیٹرولیم کے مطابق پیٹرولیم مصنوعات کی نئی قیمتوں کااطلاق 5سے 7ستمبر تک ہوگا۔
حکومت نے عالمی منڈی میں خام تیل کی قیمتوں اور نئے پیٹرولیم پرائسنگ میکنزم کے تحت ملک میں پٹرول اور ہائی اسپیڈ ڈیزل کی قیمتوں میں ردوبدل کردیا ہے۔
5 ستمبر سے 7 ستمبر 2026 تک پیٹرول کی قیمت 3 روپے 13 پیسے فی لیٹر کم کرکے 345 روپے 87 پیسے کردی گئی ہے، جبکہ ہائی اسپیڈ ڈیزل کی قیمت 3 روپے 74 پیسے فی لیٹر بڑھا کر 378 روپے 5 پیسے مقرر کی گئی ہے۔
گزشتہ روز پیٹرول و ڈیزل کی قیمتوں میں اضافہ کیا گیا تھا، آج پیٹرول سستا کر دیاگیا اور ڈیزل کی قیمت میں مزید اضافہ کر دیا گیا ہے۔
