ملک میں مغربی ہواؤں کی آمد سے سردی کی شدت میں مزید اضافہ ہوگیا ہے، وادی نیلم میں سال نو کی برفباری نے سردی میں اضافہ کردیا۔
مغربی ہواؤں کی آمد کے بعد ملک میں بارشوں کے سلسلے کا آغاز ہو گیا ہے، ملک کے بعض علاقوں میں آج سے بارشوں کا سلسلہ شروع ہو جائے گا جوکہ چھ جنوری تک جاری رہنے کا امکان ہے۔
صوبائی دارالحکومت لاہور سمیت پنجاب کے مختلف اضلاع میں بارش اور سردی کی شدت میں اضافے کی توقع ظاہر کی گئی ہے۔
وادی نیلم میں سال نو کی برفباری کا آغاز ہوگیا ہے، جاگراں ویلی، لوات بالا، اڑانگ کیل، سرگن، شونٹر، گریس ویلی، تاؤبٹ میں رات سے برفباری کا سلسلہ جاری ہے، ضلعی ہیڈ کوارٹر آٹھمقام، کنڈل شاہی، کٹن، جورا، اپر نیلم،کیرن، شاردہ میں موسلادھار بارش ہوئی۔
