جنوبی افریقہ نے ایک روزہ وارم اپ میچ میں آسٹریلیا کوشاندار کارکردگی کے بعد 84 رنز سے شکست دے دی، جنوبی افریقہ نے 49.1 اوورز میں 277 رنز بنائے، جواب میں آسٹریلیا کی ٹیم صرف 193 رنزپرڈھیرہوگئی۔
جنوبی افریقہ کی جانب سے میتھیو بریتزکے نے جارحانہ بلے بازی کرتے ہوئے 88 رنزکی شانداراننگزکھیلی، ٹرستان سٹبس نے 74 رنزاورڈی زوری نے 38 رنزکی اننگزکھیلی، آسٹریلیا کے ایڈم زیمپا نے 3 وکٹیں حاصل کیں۔
ہدف کے تعاقب میں آسٹریلیا کا آغازمایوس کن رہا ٹریوس ہیڈ، مارنوس لبوشین اورکپتان مچل مارش جلدی آؤٹ ہوگئے جوش انگلیس نے 87 رنزکی جارحانہ اننگزکھیلی مگردوسرے اینڈ سے وکٹیں گرنے کا سلسلہ جاری رہا۔
جنوبی افریقہ کے فاسٹ بولرنگیدی (ungi Ngidi) نے شانداربولنگ کا مظاہرہ کرتے ہوئے صرف 42 رنزکے عوض 5 وکٹیں حاصل کیں، نندرے برگراورسنیوران متھوسامی نے 2،2 وکٹیں حاصل کیں۔
