ورکرز ویلفیئر بورڈ سندھ نے خواتین کو 10 ہزار مفت الیکٹرک بائیکس فراہم کرنے کا عمل شروع کر دیا ہے۔
سندھ حکومت کی جانب سے صنعتوں میں کام کرنے والی خواتین کو 10 ہزارمفت الیکٹرک موٹرسائیکل فراہم کرنے کے لئے رجسٹریشن کا عمل شروع کر دیا گیا ہے۔
وزیر محنت شاہد عبدالسلام تھہیم نے کہا کہ یہ اسکیم آلودگی کے اخراج میں کمی ، حفاظت میں بہتری اور خواتین کو افرادی قوت میں بااختیار بنائے گی۔
سندھ ورکرز ویلفیئربورڈ کے مطابق مفت الیکٹرک بائیکس کے لئے 20 فیصد اقلیتی کوٹہ مختص کیا گیا ہے، اہلیت کے معیار میں 20 سے 45 سال کی صنعتی خواتین شامل ہوں گی، انتخاب کے لئے ڈیجیٹل قرعہ اندازی کی جائے گی۔
الیکٹرک موٹر سائیکلوں کے حصول کے لیے درخواستیں سندھ ورکرز ویلیفیئربورڈ کی ویب سائٹ ڈبلیو ڈبلیو بی ایس (WWBS) پر جمع کروائی جا سکتی ہیں، درخواستوں کی تصدیق ای او بی آئی/سیسی اور آجر کے سرٹیفکیٹ کے ذریعے کی جائے گی۔
