شیر افضل مروت نے کہا ہے کہ شبلی فراز اور عمرایوب نے بانی پی ٹی آئی سے میری ملاقات نہیں ہونے دی۔
رہنما تحریک انصاف اور رکن قومی اسمبلی شیر افضل مروت کی بانی پی ٹی آئی سے ملاقات نہ ہوسکی۔شیرافضل مروت نے میڈیا سے بات چیت کرتے ہوئے الزام عائد کیا کہ شبلی فراز اور عمرایوب نے بانی پی ٹی آئی سے میری ملاقات نہیں ہونے دی۔
ان کا کہنا تھا کہ آج بھی جیل سپرنٹنڈنٹ نے ملاقات نہیں کرائی، شیرافضل مروت کا کہنا تھا کہ سپرنٹنڈنٹ نے کہا کہ بانی پی ٹی آئی آپ سے علیحدہ ملیں گے، کل بھی بانی پی ٹی آئی سے ملاقات کیلئے آیا تھا۔
اس سے قبل شیرافضل مروت نے کہا کہ بانی چیئرمین سے ون ٹو ون ملاقات کروں گا،بانی چیئرمین کو پبلک اکاؤنٹس کمیٹی کے معاملے پر تحفظات سے آگاہ کروں گا،میرا نام کس کے کہنے پر نکالا تھا سب حقائق بانی چیئرمین کو بتاؤں گا۔
