سینٹ اور قومی اسمبلی کے اجلاس آج ہوں گے جس میں اہم قانون سازی کا امکان ہے، حکومتی اراکین کو ایوان میں حاضری یقینی بنانے کی ہدایت کر دی گئی۔
ذرائع کے مطابق قومی اسمبلی کا اجلاس شام پانچ بجے بلایا گیا تھا جس کا وقت تبدیل کر دیا گیا ہے اوراب اجلاس چار بجے ہو گا۔
ذرائع کے مطابق حکومت قومی اسمبلی اور سینیٹ میں اہم قانون سازی کرنا چاہتی ہے اور حکومتی اراکین کو ایوان میں اپنی حاضری یقینی بنانے کی ہدایت کی گئی ہے۔
قومی اسمبلی کا اجلاس کا 7 نکاتی ایجنڈا جاری کر دیا گیا ، آج انسداد دہشت گردی ترمیمی بل بھی منظورہونے کا امکان ہے۔
ایجنڈے کے مطابق وزیرقانون اعظم نذیرتارڑپریکٹس اینڈپروسیجرایکٹ ترمیمی آرڈینیس ایوان میں پیش کرینگے۔ ذرائع کا کہنا ہے کہ اسمبلی اجلاس میں سپریم کورٹ ججز کی تعداد بڑھانے کا بل بھی منظورکرائے جانے کا امکان ہے۔
ادھر وزیراعظم شہبازشریف نے وفاقی کابینہ کا اہم اجلاس بھی آج طلب کرلیا۔
