ملتان میں کھیلے جانے والے دوسرے ٹیسٹ میچ نعمان علی کی شاندار بالنگ، ویسٹ انڈیز کی ٹیم پہلی اننگ میں 163 رنز بنا کر آئوٹ ہو گئی۔
ویسٹ انڈیز کی پہلی اننگز کے جواب میں پاکستان کی پہلی وکٹ 22 کے مجموعی اسکور پر گری، محمد ہریرہ 9 رن بناکر آؤٹ ہوئے، 25 کے مجموعی اسکور پر دوسری وکٹ بابراعظم کی گری، انہوں نے ایک رن بنایا، پچیس کے اسکور پر ہی پاکستان کی تیسری وکٹ شان مسعود کی گری ، وہ 15 رن بناکر آؤٹ ہو ئے۔
پاکستان کا مجموعی اسکور 51 ہوا تو چوتھی وکٹ کامران غلام کی گری، انہوں نے 16 رنز بنائے۔
ویسٹ انڈیز نے ٹاس جیت کر پہلے بیٹنگ کا فیصلہ کیا، پاکستان کی جانب سے فاسٹ بالر کاشف علی نے اپنے پہلے ہی اوور میں ٹیسٹ میچ کی پہلی وکٹ حاصل کر لی، انہوں نے مکائیل لوئس کی وکٹ حاصل کی، ویسٹ انڈیز کی پہلی وکٹ 8 کے مجموعی اسکور پر گری۔
