روس نے دنیا کے طاقتور ترین میزائل سرمات کا کامیاب تجربہ کر لیا۔
ولادی میرپیوٹن نے جوہری صلاحیت کے حامل نئے بین البراعظمی بیلسٹک میزائل سرمات کے کامیاب تجربے کا اعلان کرتے ہوئے کہا ہے کہ یہ دنیا کا سب سے طاقتور میزائل ہے۔
روسی صدر نے کہا کہ سرمات میزائل کی رینج 35 ہزار کلومیٹر تک ہے اور یہ جدید دفاعی نظام کو بھی چکمہ دینے کی صلاحیت رکھتا ہے۔
روسی صدر نے مزید کہا کہ نئے “اوریشنک” میزائل نظام کو بھی جوہری وارہیڈز سے لیس کیا جا سکتا ہے، میڈیا رپورٹس کے مطابق روس اس میزائل کو دو مرتبہ یوکرین کے خلاف استعمال کر چکا ہے۔
خبر ایجنسی کے مطابق نیا میزائل نظام رواں سال کے آخر تک روسی فوج کے حوالے کر دیا جائے گا، جس کے بعد روس کی دفاعی صلاحیت میں مزید اضافہ ہو جائے گا۔
