ایران کیلئے تعمیر نو منصوبے کا آغاز ، منجمد اثاثے جاری ، ناکہ بندی بھی اٹھا لی گئی

پاکستان اور قطر کی ثالثی میں مذاکرات میں پیشرفت کے بعد امریکا کی جانب سے ایران کو کچھ منجمد اثاثے جاری کر دیئے گئے۔ 

ایرانی وزیرخارجہ عباس عراقچی کا کہنا ہے کہ پاکستان اور قطر کی ثالثی میں لبنان جنگ کے خاتمے کے لیے بڑی پیش رفت ہوئی ہے۔ ایران کیلئے ایک بڑے تعمیرِ نو اور ترقیاتی منصوبے کا آغاز کر دیا گیا ہے۔

سوئٹزرلینڈ میں مذاکرات کے بعد قطر اور پاکستان کی جانب سے مشترکہ اعلامیہ جاری کرنے پر ردعمل دیتے ہوئے عباس عراقچی نے کہا کہ ایران کے لیے تیل اور پیٹروکیمیکل کی برآمدات پر پابندیاں ختم کر دی گئی ہیں۔ اس کے علاوہ ناکہ بندی بھی اٹھا لی گئی ہے۔

اس سے پہلے ایرانی وزارت خارجہ کا کہنا تھا کہ حتمی معاہدے کے آغاز کے لیے مذاکرات کی بنیاد رکھنے پر بات چیت کی گئی۔ بات چیت میں دوسرے فریق کی ذمہ داریوں پر عملدرآمد سے متعلق اچھی پیش رفت ہوئی ہے۔

Tireless Pakistani and Qatari mediation has delivered major progress to end Lebanon War. Oil and petrochem exports are waived, blockade lifted, some frozen assets released, and major reconstruction & development plan launched for Iran.

1st real test: Lebanon deconfliction cell https://t.co/q0okD2qwSO

— Seyed Abbas Araghchi (@araghchi) June 22, 2026