پنجاب حکومت نے لاہور میں الیکٹرک بسیں چلانے کااعلان کردیا ۔
صوبائی وزیر ٹرانسپورٹ بلال اکبر نے پنجاب اسمبلی اجلاس میں اظہار خیال کرتے ہوئے کہا کہ لاہور میں جلد ہی الیکٹرک بسیں چلانے جارہے ہیں، نومبر، دسمبر میں 27 الیکٹرک بسیں سڑکوں پر ہوں گی، اس کے علاوہ مختلف اضلاع میں دیگر ہائبرڈ بسیں بھی چلائی جائیں گی۔
انہوں نے کہا کہ مسافروں کو 200 سے زائد اسپیڈو بسوں کی سبسڈی دی جا رہی ہیں، راولپنڈی کے عوام کا حق تھا وہاں پر 100 بسوں کا تحفہ دیا ہے۔
صوبائی وزیر نے کہا کہ اگلے مرحلے میں پبلک ٹرانسپورٹ کو ہم مزید بہتر کریں گے، میں پوچھنا چاہتا ہوں کہ 10 لاکھ لوگوں کو سہولت دینے والے نظام کو کیوں ناکام بنانے کی کوشش کی گئی؟۔ بلال اکبر کا مزید کہنا تھا کہ راولپنڈی میں میٹرو بس سروس چلانا شہبازشریف کا بڑا کارنامہ ہے۔
