جوڈیشل مجسٹریٹ راولپنڈی نے پی ٹی آئی کی رہنما عالیہ حمزہ کی ضمانت منظور کرتے ہوئے رہائی کا حکم دیدیا۔
الیہ حمزہ کو 19 اپریل کو 14 روزہ جوڈیشل ریمانڈ پر جیل بھیجا گیا تھا۔ عدالت نے عالیہ حمزہ کو ایک لاکھ روپے کے ضمانتی مچلکوں کے عوض رہا کرنے کا حکم دیدیا۔
خیال رہے کہ عالیہ حمزہ سمیت 5 پی ٹی آئی کے کارکنان کے خلاف تھانہ ایئر پورٹ میں مقدمہ درج کیا گیا ہے جس میں کارِ سرکار میں مداخلت اور پولیس سے مزاحمت کا الزام ہے۔
پولیس کے مطابق پی ٹی آئی رہنما اور ساتھیوں کو غیر قانونی سرگرمی سے اجتناب کا کہا گیا تو پولیس سے مزاحمت کی گئی جس پر انہیں گرفتار کرکے تھانہ ائیرپورٹ میں مقدمہ درج کر لیا گیا، مقدمے میں شاہراہ کو بلاک کرنے ، پولیس پر پتھراؤ اور مزاحمت کی دفعات شامل ہیں۔
