صدر آصف زرداری کے خلاف جعلی بینک اکاؤنٹس کا مقدمہ داخل دفتر کر دیا گیا۔
بینکنگ کورٹ میں صدر مملکت، فریال تالپور اور دیگر کے خلاف جعلی بینک اکاؤنٹ کیس کی سماعت ہوئی۔ صدر مملکت کے وکیل نے کہا کہ جب تک آصف زرداری صدر ہیں ان کیخلاف مقدمے کی سماعت نہیں ہو سکتی جس پر عدالت نے کہا کہ جب تک آصف زرداری صدر ہیں ان کے خلاف مقدے کی سماعت نہیں ہو گی۔
فریال تالپور عدالت میں پیش نہیں ہوئیں اور ان کی جانب سے درخواست دائر کی گئی جس میں مؤقف اختیار کیا گیا کہ فریال تالپور اسمبلی اجلاس کے باعث مصروف ہیں لہٰذا حاضری سے استثنیٰ دیا جائے۔
عدالت نے صدر زرداری کے خلاف مقدمہ داخل دفتر کرتے ہوئے کیس کی سماعت 9 جولائی تک ملتوی کر دی۔
