پاکستان اسٹاک ایکسچینج میں کاروبار میں تیزی کا رجحان ، انڈیکس ایک لاکھ ، 12 ہزار کی حد کو چھو گیا جبکہ تبادلہ مارکیٹ میں ڈالر کی قیمت کم ہو گئی ہے۔
کاروباری ہفتے کے دوسرے روز کاروبار کے آغاز پر اسٹاک مارکیٹ کے 100 انڈیکس میں 447 پوائنٹس کا اضافہ ریکارڈ کیا گیا جس کے بعد انڈیکس ایک لاکھ 12 ہزار 434 پوائنٹس پر پہنچ گیا۔
گزشتہ روز پہلے سیشن میں ہنڈریڈ انڈیکس میں نمایاں اضافہ ہوا تھا تاہم کاروبار کے اختتام پر انڈیکس مثبت سے منفی میں تبدیل ہو گیا تھا۔
دوسری جانب ایکسچینج کمپنیز ایسوسی ایشن کے مطابق انٹر بینک میں ڈالر سستا ہو گیا ہے ، انٹر بینک میں 7 پیسے کی کمی سے ڈالر کی قیمت 279 روپے 60 پیسے پر آ گئی ہے۔
