کرم میں انتظامیہ اور پولیس کی ٹیمیں پہنچنے کے باوجود فریقین کے مورچے مسمار کرنے کا عمل شروع نہ ہو سکا۔
امن معاہدے میں فریقین کے مورچے مسمار کرنا بھی شامل تھا تاہم ایک فریق نے شرط عائد کرتے ہوئے کہا ہے کہ جب تک دوسرے فریق کے مورچے مسمار نہیں ہوتے ہم اپنے مورچے مسمار نہیں ہونے دیں گے۔
کرم کے علاقے بالش خیل میں سنگینہ مورچے مسمار کرنے کے لیے انتظامیہ و پولیس کی ٹیمیں موجود ہیں ، پولیس کی جانب سے فریقین سے مذاکرات بھی جاری ہیں۔
اس وقت بالش خیل اور خار کلے میں سکیورٹی فورسز تعینات ہیں جبکہ بالش خیل میں چار ہیلی کاپٹروں کے ذریعے مسلسل فضائی نگرانی کی جا رہی ہے۔
