کولمبو: آئی سی سی ٹی ٹوئنٹی ورلڈکپ کے سپر ایٹ مرحلے کے پہلے میچ میں پاکستان اور نیوزی لینڈ آج مدمقابل ہوں گے۔
دونوں ٹیمیں کولمبو کے پریماداسا اسٹیڈیم میں آمنے سامنے ہوں گی، میچ کا ٹاس شام چھ بجے جبکہ آغاز ساڑھے چھ بجے ہو گا۔
محکمہ موسمیات نے پاکستان اور نیوزی لینڈ کے درمیان میچ کے دوران بارش کا امکان ظاہر کر رکھا ہے تیز ہوائیں چلنے کی بھی توقع ہے۔
دونوں ٹیموں کے درمیان اچھا مقابلہ ہونے کی توقع ہے، بارش کی وجہ سے میچ منسوخ ہونے کی وجہ سے دونوں ٹیموں کے ایک ایک پوائنٹ دیا جائے گا۔
واضح رہے کہ ورلڈ کپ میں سپر ایٹ مرحلے کے میچوں کے لئے کوئی ریزرو ڈے نہیں رکھا گیا ہے۔
