مشیر اطلاعات خیبر پختونخوا بیرسٹر سیف نے کہا ہے کہ ہم اپنے پلان کے تحت پیش قدمی کر رہے ہیں، حکومت مطلبات پورے ہوئے بغیر احتجاج کے خاتمے کا نہ سوچے۔
ایک بیان میں بیرسٹر سیف نے کہا کہ ہم اپنے پلان کے تحت پیش قدمی کر رہے ہیں ۔ حکومت پولیس کے لیے کئی دن کی خوراک کا بندوبست کر لے۔
انہوں نے کہا کہ ہمیں کوئی جلدی نہیں ،حکومت کے پاس گھڑیاں ہیں لیکن وقت ہمارے پاس ہے۔ درباری وزرا جتنی پریس کانفرنسیں کر لیں، ہمارا احتجاج جاری رہے گا۔
ان کا کہنا تھا کہ علی امین کی سربراہی میں عوام نے اس بار عمران خان کی رہائی کی مکمل ٹھان لی ہے۔ ریسٹورنٹس اور لاری اڈے تک بند کروا دینا حکومت کی حواس باختگی کا ثبوت ہے۔
