انٹرنیشنل کرکٹ کونسل (آئی سی سی) مینز ٹی 20 ورلڈکپ میں عمان کے 43 سالہ کرکٹر محمد ندیم نے ایک منفرد ریکارڈ قائم کرتے ہوئے پاکستان کے محمد رضوان کے سست ترین ففٹی کے ریکارڈ کو برابر کر دیا۔
ٹی 20 ورلڈ کپ میں عمان اور سری لنکا کے درمیان جمعرات کو میچ کھیلا گیا۔ جہاں سری لنکا نے عمان کو 105 رنز سے شکست دی۔ سری لنکا نے مقررہ اوورز میں 5 وکٹوں کے نقصان پر 225 رنز بنائے۔ جبکہ عمان کی ٹیم 9 وکٹوں پر 120 رنز تک محدود رہی۔
ہدف کے تعاقب میں اگرچہ عمان کو شکست کا سامنا کرنا پڑا۔ تاہم محمد ندیم نے 52 گیندوں پر نصف سنچری اسکور کرتے ہوئے 53 رنز ناٹ آؤٹ بنائے۔ اور یوں ٹی 20 ورلڈکپ کی تاریخ کی سست ترین ففٹی کا ریکارڈ برابر کر دیا۔
اس سے قبل ٹی 20 ورلڈ کپ 2024 میں محمد رضوان نے کینیڈا کے خلاف 52 گیندوں پر نصف سنچری اسکور کی تھی۔
