آزاد کشمیر کے نو منتخب وزیراعظم فیصل ممتاز راٹھور کی تقریب حلف برداری آج ایوانِ صدر مظفر آباد میں ہو گی۔
حلف برادری تقریب میں شرکت کے لیے پیپلز پارٹی کی رہنما فریال تالپور مظفرآباد پہنچ گئیں، تقریب میں چیئرمین پیپلز پارٹی بلاول بھٹو زرداری کی شرکت کا بھی امکان ہے۔
وزیراعظم آزاد کشمیر چودہدری انوارالحق کے خلاف تحریک عدم اعتماد گزشتہ روز کامیاب ہوئی تھی۔
انوارالحق کی اپنی ہی کابینہ کے رکن رہنے والے پیپلزپارٹی کے امیدوار فیصل راٹھور کو وزارت عظمی کے لیے 36 ووٹ ملے جبکہ مخالفت میں صرف 2 ووٹ پڑے تھے ، پیپلز پارٹی نے عدم اعتماد کے لیے 38 ارکان کی حمایت کا دعویٰ کیا تھا۔
