کراچی،حیدرآباد ،سکھر سمیت سندھ بھرمیں میٹرک امتحانات کی تاریخ رمضان المبارک کی وجہ سے تبدیل کردی گئی ہے۔
نویں دسویں جماعت کے امتحانات 7 اپریل سے منعقد ہوں گے جو 25 اپریل تک جاری رہیں گے،پریکٹیکل امتحانات 10 مارچ کو ہوں گے،فرسٹ ائیر اور سیکنڈ ائیر کے امتحانات کا آغاز 28 اپریل سے ہوگا۔
اس سے قبل خیبرپختونخوا حکومت نے بھی رمضان المبارک کے پیش نظر میٹرک اور انٹر کے سالانہ امتحانات ملتوی کر دیے تھے۔
صوبائی حکومت نے تمام تعلیمی بورڈز کو میٹرک کے امتحانات ملتوی کرنے کا حکم دیتے ہوئے یہ امتحانات رمضان کے بعد اپریل میں لینے کی ہدایات جاری کی ہیں۔
ترجمان پشاور تعلیمی بورڈ کا کہنا ہے کہ امتحانات ماہ رمضان کے بعد لیے جائیں گے،امتحانات ملتوی کرنے کا مقصد رمضان کے دوران طلباء کو سہولت دینا ہے۔
