استعمال شدہ گاڑیوں کی درآمد سے متعلق اسکیم میں بڑی تبدیلی کا امکان ہے۔
استعمال شدہ گاڑیوں کی درآمد سے متعلق اسکیم میں حکومت نے تبدیلی پر غور شروع کر دیا ہے، پرسنل بیگیج اسکیم ختم کرنے اور گفٹ اور ٹرانسفر آف ریزیڈنس سخت بنانے کی تجویزشامل ہے۔
استعمال شدہ گاڑیوں کی درآمد کیلئے حکومت ایک اسکیم ختم کرنے پر غور کر رہی ہے، باقی دو اسکیموں کو سخت بنانے کا امکان ہے۔
اس سلسلے میں وزارت تجارت نے سمری تیار کرکے کابینہ کی اقتصادی رابطہ کمیٹی کو بھجوا دی ہے، جس میں تجویز دی گئی ہے کہ پرسنل بیگیج اسکیم کو ختم کیا جائے۔
اس کے علاوہ دوسری دو اسکیموں ٹرانسفر آف ریزیڈنس اسکیم اور گفٹ اسکیم کو سخت کرنے کی تجویز دی گئی ہے، وزارت کی جانب سے ان اسکیموں کے غلط استعمال کو روکنے کیلئے اقدامات اٹھانے کی سفارش کی گئی ہے۔
استعمال شدہ گاڑیوں کی درآمد سے متعلق اسکیم میں تبدیلی کے حوالے سے اقتصادی رابطہ کمیٹی حتمی فیصلہ کرے گی۔
