زندہ مرغی اور گوشت کی قیمت میں کمی

پشاور میں زند ہ مرغی کی فی کلو قیمت میں 10 روپے کمی آ گئی جس کے بعد مرغی کا گوشت بھی سستا ہو گیا۔

مارکیٹ میں زندہ مرغی کی قیمت 385 سے کم ہو کر 375 روپے ہو گئی ، سرکاری نرخنامے کے مطابق نئی قیمت کا اطلاق کر دیا گیا ہے۔

واضح رہے گزشتہ ہفتے مارکیٹ میں برائلر مرغی کے گوشت کی قیمت میں فی کلو 29 روپے اضافہ ہوا تھا۔

دوسری جانب انڈے کی قیمتوں میں بھی اضافہ دیکھنے میں آیا تھا۔ ایک پیٹی انڈے میں 30 روپے کا اضافہ ہوا، جس کے بعد پیٹی کی قیمت 10,500 روپے تک پہنچ گئی تھی۔