بلاول بھٹو نے سفارتی مشن کے ہمراہ اقوام متحدہ کی سلامتی کونسل کی صدر سے ملاقات کی جس میں انہوں نے بھارتی جارحیت اور خطے کی سکیورٹی صورتحال پر تبادلہ خیال کیا۔
بلاول بھٹو کا کہنا تھا کہ بھارت نے پانی کو بطور ہتھیار استعمال کرکے بین الاقوامی قوانین کو پامال کیا، دہشتگردی کے واقعے کو جواز بنا کر بھارت نے غیر قانونی اقدامات کیے اور خطے کے امن کو خطرے میں ڈال دیا۔
انہوں نے مزید کہا کہ مسئلہ کشمیر کا منصفانہ حل جنوبی ایشیا میں پائیدار امن کی کنجی ہے، اقوام متحدہ مسئلہ کشمیر سمیت دنیا کے دیگر تنازعات حل کروانے میں کردار ادا کرے۔
اس موقع پر سلامتی کونسل کی صد ر نے مینڈیٹ کے تحت کردار ادا کرنے کے عزم کا اعادہ کیا۔
