اسرائیلی ٹینکوں کی رفح میں دوبارہ پیش قدمی شروع ہو گئی ہے جبکہ غزہ میں بمباری سے مزید 50 سے زیادہ فلسطینی شہید ہو گئے۔
عرب میڈیا کے مطابق غزہ کے علاقے شیخ رضوان میں گھر پر اسرائیلی حملے میں 5 جبکہ جبالیہ میں اسرائیلی حملے میں 2 بچوں سمیت 4 فلسطینی اور النصیرات کیمپ میں 12 فلسطینی شہید ہو گئے۔
پناہ گزین اسکولوں اور خیموں پر حملوں میں گزشتہ 10 روز میں 500 فلسطینی شہید کر دیئے گئے ہیں ، اقوام متحدہ میں فلسطینی سفیر نے غزہ میں جاری قتل عام کو تاریخ کی بدترین نسل کشی قرار دے دیا ہے۔
یاد رہے کہ 7 اکتوبر سے غزہ میں جاری اسرائیلی جارحیت میں 38 ہزار سے زائدفلسطینی شہید ہو گئے ہیں جن میں بچوں اور خواتین کی بڑی تعداد شامل ہے۔
