مہنگائی کی شرح میں اضافہ، گھی اور آٹا مزید مہنگا

مہنگائی کی شرح میں مزید اضافہ ہو گیا، گھی اور آٹا بھی مزید مہنگا ہو گیا۔

وفاقی ادارہ شماریات کی رپورٹ کے مطابق حالیہ ہفتے مہنگائی کی شرح میں اضافے کی رفتارمیں 0.17 فیصد اضافہ ہوا ہے جبکہ سالانہ بنیاد پر بھی مہنگائی کی شرح بڑھ کر 3.34 فیصد ہو گئی ہے، گزشتہ ہفتے بھی مہنگائی کی شرح میں اضافہ ہوا تھا۔

اعداد و شمار کے مطابق ملک میں 6 اشیاء ضروریہ سستی ہوئیں، 21 مہنگی جبکہ 24 اشیاء ضروریہ کی قیمتوں میں اضافہ ہوا، انڈے، مرغی، پیاز، گھی اور آٹا مہنگی ہونے والی اشیاء میں شامل ہیں۔

ایک ہفتے کے دوران مرغی کی قیمت میں 8.92 فیصد، انڈوں کی قیمت میں 2.25 فیصد، آٹے کی قیمتوں میں 5.74 فیصد، پیاز کی قیمت 7.47 فیصد، لہسن کی قیمت میں 0.86 فیصد، گھی کی قیمت میں 0.86 فیصد، گڑ کی قیمت میں 1.70 فیصد اضافہ ہوا ہے۔