امریکی صدر ڈونلڈ ٹرمپ نے چین پر عائد محصولات میں اضافی 100 فیصد ٹیرف لگانے کا اعلان کر دیا۔
امریکی صدر نے کہا کہ چین سے درآمدات پر سو فیصد ٹیرف کا نفاذ نومبر یا اس سے بھی پہلے ہوگا، ان کا کہنا تھا کہ چین نے تجارت پر انتہائی جارحانہ مؤقف اختیار کیا ہے۔
ٹرمپ نے کہا کہ چین نے یکم نومبر سے تقریباً ہر چیز پر برآمدی پابندیوں کاخط بھیجا ہے، انہوں نے کہا کہ چین پراضافی 100 فیصد ٹیرف، تمام اہم سافٹ ویئرز پر برآمدی کنٹرول نافذ کریں گے۔
امریکی صدر ( donald trump ) نے کہا کہ یقین کرنا مشکل ہے کہ چین ایسا قدم اٹھا سکتا ہے لیکن اس نے اٹھا لیا ہے، ان کا کہنا تھا کہ چینی صدر شی جن پنگ سے ملاقات منسوخ نہیں کی۔
ان کا کہنا تھا کہ مشرق وسطیٰ کے دورے کے دوران مصر جائیں گے، اسرائیلی پارلیمنٹ سے خطاب بھی کریں گے، صدر ٹرمپ نے کہا کہ یرغمالیوں کی واپسی پیر سے شروع ہوگی۔
