پاکستان میں کرپٹو اور دیگر ڈیجیٹل اثاثوں کے منظم اور محفوظ استعمال کے لیے ریگولیٹری اصلاحات اور قوانین پر اہم پیش رفت سامنے آئی ہے۔
بائننس کے چیف ایگزیکٹیو آفیسر رچرڈ ٹینگ، اعلیٰ سطحی کمپنی وفد کے ہمراہ، 6 دسمبر کو وزیراعظم شہباز شریف اور چیف آف آرمی اسٹاف جنرل سید عاصم منیر سے الگ الگ ملاقاتیں کیں، جن میں ملک میں ابھرتے ہوئے ورچوئل اثاثوں کے لیے پالیسی فریم ورک پر تفصیلی تبادلۂ خیال کیا گیا۔
رپورٹ کے مطابق اس سے قبل 3 دسمبر کو فنانس ڈویژن میں ایک اہم اسٹرٹیجک میٹنگ منعقد ہوئی، جس میں وفاقی وزیر خزانہ محمد اورنگزیب، پاکستان ورچوئل ایسٹس ریگولیٹری اتھارٹی (PVARA) کے چیئرمین بلال بن ثاقب، اسٹیٹ بینک کے سینئر حکام اور بڑے تجارتی بینکوں کے نمائندے شریک ہوئے۔
اجلاس میں پاکستان کی کرپٹو مارکیٹ کے لیے واضح قواعد بنانے، قانونی ضوابط مضبوط کرنے اور عالمی معیارات کے مطابق کام کرنے پر غور کیا گیا۔
