پاک بھارت میچ سے قبل بھارتی میڈیا نے ایک اور نیا شوشہ چھوڑ دیا۔
بھارتی میڈیا کے مطابق آئی سی سی نے پاکستان کے خلاف کارروائی پر غور شروع کر دیا ہے، رپورٹ میں کہا گیا کہ پاکستانی ٹیم نے میچ ریفری اینڈی پائی کرافٹ کو نہ ہٹانے کے فیصلے کے خلاف احتجاجاً میچ میں تاخیر کی۔
بھا رتی میڈیا کا کہنا ہے کہ ایشیا کپ میں متحدہ عرب امارات کے خلاف میچ سے قبل پاکستانی ٹیم نے متعدد ٹورنامنٹ قوانین کی خلاف ورزیاں کیں۔
بھا رتی میڈیا کے مطابق انٹرنیشنل کرکٹ کونسل نے پی سی بی کو ایک ای میل بھیجی ہے جس میں بدسلوکی اور پلیئرز اینڈ میچ آفیشلز ایریا پروٹوکول کی متعدد خلاف ورزیوں کی نشاندہی کی گئی۔
