وزیرِ اعظم شہباز شریف سے عادل بیسالوف کی قیادت میں کرغزستان کے اعلیٰ سطحی وفد نے ملاقات کی جس میں دو طرفہ مضبوط تعلقات کے کے عزم کا اعادہ کیا گیا۔
وزیراعظم شہباز شریف نے وفد کا خیر مقدم کرتے ہوئے پاکستان اور کرغزستان کے درمیان تعاون میں پیشرفت پر اطمینان کا اظہار کیا ، وزیراعظم نے آئی جی سی کے پانچویں اجلاس کے کامیاب انعقاد پر اطمینان کا بھی اظہار کیا۔
شہباز شریف نے پاکستان اور کرغزستان کے درمیان پروٹوکول اور مفاہمت کی متعدد یادداشتوں پر دستخط کو سراہا اور انہیں تجارت، توانائی، تعاون، روابط اور عوامی تبادلوں کے فروغ کی جانب اہم قدم قرار دیا۔
وزیر اعظم نے آئی جی سی کے دوران کیے گئے فیصلوں پر عملدرآمد کے لیے مضبوط عزم کا اعادہ کیا ،عادل بیسالوف نے دونوں ممالک کے مابین قریبی دوطرفہ تعلقات کو فروغ دینے کیلیے پاکستان کی کوششوں کو سراہا۔
