ملک کے مختلف شہروں میں موسلا دھار بارش کا سلسلہ جاری ہے ، پہاڑوں پر وقفے وقفے سے برفباری بھی ہورہی ہے، محکمہ موسمیات نے بارشوں کا سلسلہ اگلے 24 گھنٹوں تک جاری رہنے کی پیشگوئی کی ہے ۔
کراچی کے مختلف علاقوں میں میں تیز ہوائوں کے ساتھ بارش ہوئی ، نارتھ ناظم آباد میں شادمان ٹائون اور اطراف میں تیز ہوائوں کے ساتھ بارش ہوئی۔
جڑواں شہروں اسلام آباد ، راولپنڈی اور گردونواح میں بارش جاری ہے ،بارش کے باعث سڑکوں پر ٹریفک کی روانی سست روی کا شکار ہے۔
ٹریفک سست ہونے سے مختلف شاہرائوں پر ٹریفک کا دبائو ہے۔اسلام آباد ٹریفک پولیس کے افسران ٹریفک کی روانی کو یقینی بنانے کے لئے سڑکوں پر موجود ہیں۔
شہریوں سے گزارش ہے کہ وہ اضافی وقت کے ساتھ سفر کریں۔کسی بھی اپ ڈیٹ کے لئے ٹریفک ہیلپ لائن 1915 یا پکار 15 پر رابطہ کرسکتے ہیں۔
